Leigusamningur er sendur rafrænt við úthlutun samhliða staðfestingar- og tryggingargjaldi. 

Leigutakar á nemendagörðum sækja sjálfir um húsnæðisbætur til Húsnæðis- og mannvirkjastofnunar (HMS) þegar leigusamningur hefur verið undirritaður. Undirritaður samningur sendist þá sjálfkrafa til  Húsnæðis- og mannvirkjastofnunar og því ekki þörf á þinglýsingu samnings. Nánari upplýsingar um húsnæðisbætur má finna á: https://hms.is/husnaedi/husnaedisbaetur 

Allir leigusamningar eru gerðir til síðasta dags mánaðar, að undanskildum leigusamningum sem gilda einnig út sumartímabílið. Gildistími þeirra er til 15. ágúst ár hvert.

Lyklar fást afhentir á upphafsdegi undirritaðs leigusamnings og eftir að greiðsla staðfestingar- og tryggingargjalds hefur verið greidd. 

Lyklaafhending fer fram milli kl. 10 – 15:30 í samráði við Nemendagarða. 

Athugið að lyklaafhendingu þarf að panta á info@nemendagardar.is með þriggja virkra daga fyrirvara.

Húsaleiga greiðist fyrirfram. Húsaleigu skal greiða fyrsta dag hvers mánaðar fyrir einn mánuð. Gjalddagi leigunnar er fyrsti dagur hvers mánaðar.  

Óheimilt er að framleigja íbúðir nema með fengnu leyfi nemendagarða. Sækja skal um slíkt leyfi til info@nemendagardar.is

Til þess að segja upp leigusamning þarf uppsögn að berast skriflega á info@nemendagardar.is. Athugið að uppsögn tekur gildi frá fyrsta degi næsta mánaðar og er uppsagnarfrestur einn mánuður.

Við skil á íbúð skal panta úttekt með minnst þriggja virkra daga fyrirvara á info@nemendagardar.is Skil á húsnæði skulu fara fram eigi síðar en kl. 12.00 á síðasta degi leigusamnings, nema um annað sé samið fyrirfram.

Ráðlagt er að fylgja Gátlista vegna þrifa á íbúðum Nemendagarða. 

Frá og með 1. ágúst 2026 verður dýrahald ekki leyfilegt í húsnæði Nemendagarða Háskóla Íslands á Hólum. Er þá átt við hunda, ketti, kanínur og önnur þau dýr er geta valið ofnæmi, skemmdum á húsnæði og/eða ónæði og verða frá og með þeim degi ekki gerðir nýjir leigusamningar sem heimila leigutaka að hafa meðferðis gæludýr. 

Einungis er heimilt að vera einn í herbergi í herbergjaleigu. Annað telst sem framleiga og getur varðað brottrekstri úr húsnæðinu.